2015 წელს, როდესაც MYTENT GE დაარსდა, ჩვენი მიზანი მარტივი იყო: დაგვეხმარა ადამიანებისთვის, რომლებსაც ბუნება, თევზაობა და ლაშქრობა ჩვენსავით უყვართ. მას შემდეგ ბევრი რამ შეიცვალა, გავიზარდეთ ჩვენც და გაიზარდა ჩვენი მომხმარებლების მოთხოვნებიც. მივხვდით, რომ მხოლოდ კარგი პროდუქცია აღარ იყო საკმარისი — საჭირო გახდა ისეთი ციფრული სივრცის შექმნა, სადაც ნივთების შერჩევა ისეთივე სასიამოვნო პროცესი იქნებოდა, როგორც თავად მოგზაურობა.

ამ მიზნით, ჩვენმა გუნდმა გადაწყვიტა ვებგვერდის სრული რებრენდინგი და მოდერნიზება. პროცესში პარტნიორობა გააციფრულე-ს გუნდს ვანდეთ, რომლებმაც შეძლეს ჩვენი ხედვის რეალობად ქცევა.

მთავარი გამოწვევა იყო ისეთი პლატფორმის შექმნა, რომელიც ათასობით დასახელების პროდუქციას (კარვებიდან დაწყებული, სათევზაო აღჭურვილობით დასრულებული) ერთ მარტივ და გასაგებ სისტემაში მოაქცევდა. დღეს ჩვენს საიტზე შემოსვლისას პირველივე წამიდან იგრძნობა სიმსუბუქე — ფოტოები სწრაფად იტვირთება, კატეგორიები ლოგიკურადაა დალაგებული და რაც მთავარია, სმარტფონით სარგებლობა ისეთივე კომფორტულია, როგორც კომპიუტერით.

ჩვენთვის მნიშვნელოვანი იყო, რომ საიტი არ ყოფილიყო უბრალოდ “მშრალი” კატალოგი. გვინდოდა, გადმოგვეცა ის განწყობა, რაც მთაში ან ტბის პირას ყოფნას ახლავს. ახალი დიზაინითა და გამართული ტექნიკური მხარით, ვფიქრობთ, ამას მივაღწიეთ. ეს ტრანსფორმაცია საშუალებას გვაძლევს, კიდევ უფრო მეტი დრო დავუთმოთ თქვენთვის საინტერესო სიახლეების მოძიებას, რადგან ტექნიკურ გამართულობაზე უკვე პროფესიონალებმა იზრუნეს.